Pas kryerjes së investimeve në rrafshimin e  dyshemesë dhe lyerjes së hapësirës, u vu në përdorim bodrumi i ambulantës së Koritës

Bern/Koritë, me 2 Shtator 2019

Një nga punët e kryera këtë vit nga Shoqata Korita Thërret, është edhe rrafshimi me glazurë finale (Ybercug) i dyshemesë së bodrumit të ambulantës së fshatit Koritë.

Punën pa asnjë pagesë e ka kryer, firma e specializuar, “FE Boden”, me pronar z. Mitalip Adilin nga Radiofca, me prejardhje nga Korita, të cilin e falënderojmë për kontributin në kryerjen e këtij projekti.

Materiali me gjithë transportin ka kushtuar 370 Euro dhe është paguar nga buxheti i Shoqatës.

Përveç rrafshimit të dyshemesë, është lyer edhe hapësira e bodrumit dhe ky investim ka kushtuar 204 Euro.

Ky është investimi i parë në objektin e ambulantës së Koritës, që nga koha kur ky objekt është ndërtuar në fillim të viteve të 90-ta.

Arsyeja e këtij intervenimi/investimi është që ky objekti i rëndësishëm i ndërtuar nga vet banorët, të mirëmbahet dhe të bëhet funksional, për nevojat e fshatit dhe shoqatës.

Në të ardhmen, këtu do të jetë edhe zyra e shoqatës.

Shoqata Korita Thërret

Bern/Koritë, me 1 Shtator 2019

Një Skenë e punuar me Gurë, është ndërtuar në stadiumin e fshatit Koritë.

Ky Projekt u propozua nga kryesia e Shoqatës Korita Thërret dhe u miratua nga Këshilli i Përgjithshëm, si një nga punët që do të kryhet në vitin 2019.

Skena për herë të parë u përdor në Manifestimin Korita Feston 2019 dhe do të shfrytëzohet për nevojat e shoqatës dhe fshatit.

Për pesë vite më radhë, kryesia e shoqatës ka marr me qira skena (skela) të improvizuara për organizimin e festës, ndërsa nga ky vit, kjo barrë financiare iu hoq shoqatës.

Për ndërtimin e Skenës, kontribuuan bashkëfshatarët tanë, z. Vaidin Xhabiri me 1000 Euro dhe z. Semir Selimi me 1000 Franga, si dhe kompania Magnum Trans nga Gostivari me një kamion me gurë

Që të kryhet i gjithë Projekti, ka ngelur të rregullohet edhe kulmi i Skenës.

Deri më tani, me materialet ndërtimore dhe punën e dorës janë shpenzuar, 1050 Euro.

Shoqata Korita Thërret

www.koritatherret.com

Bern, me 22 Janar 2019

Nga sot kanë nisur punët për instalimin e nxehjes qendore në Bodrumin e Xhamisë së fshatit. Radiatorë të ngrohjes do të vendosen te faltorja/mësojntorja, në korridor dhe te toaletet.

Ky Projekt i shoqatës tonë, i tëri do të përkahet nga një Donator i cili dëshiron të mbetet Anonim dhe që projektin ia ka besuar Shoqatës Korita Thërret.

Raporti i hollësishëm financiar për projektin për rregullimin e hapësirës përpara varrezave të fshatit.

Realizues i projektit: SHOQATA KORITA THËRRET
Vlera e projektit: 3,165 Euro

 Koritë/Gostivar, me 3 Nëntor 2018

Është realizuar projekti i parë infrastrukturor në fshatin Koritë, nga Shoqata Korita Thërret.

Hapësirë prej 340 metra katror përpara varrezave të fshatit, është shtruar me pllaka bekatoni.

Fillimisht është bërë shtruarja me tampon e gjithë hapësirës, për të vazhduar më pas me vendosjen e pllakave prej 6 cm dhe anësorëve.

Gjithashtu, me pllaka të mermerit është rregulluar edhe vendi ku bëhet falja e namazit të kufomave.

Kjo hapësirë do të mund të shfrytëzohet për më shumë qëllime dhe nevoja të fshatit dhe banorëve.

Kryesia e shoqatës falënderon të gjithë anëtarët të cilët me kontributin e tyre gjatë viteve, e bërën të mundur që të niset me realizim projekti i rregullimit të hapësirës përpara varrezave, ndërkaq përzemërsisht i falënderojmë donatorët, të cilët vullnetarisht e ndihmuan dhe e përkrahën projektin në fjalë, që tanimë është një punë e përbashkët e kryer e të gjithëve.

Një projekt i hollësishëm financiar për projektin do të publikohet javën e ardhshme.

Kujtojmë që projekti për rregullimin e hapësirës përpara varrezave të fshatit, fillimisht u iniciua dhe miratua nga kryesia e Shoqatës dhe në fund e mori edhe pëlqimin e anëtarëve të shoqatës në mbledhjen e mbajtur me 20 Tetor 2018.