Shoqata KORITA THËRRET njofton të gjithë bashkëfshatarët nga fshati Koritë, me banim në Zvicër, Gjermani dhe vende të tjera të diasporës, se më 31 maj 2025 (e shtunë) do të organizohet një Takim Familjar në Zvicër.

Takimi do të mbahet nga ora 16:00 deri në ora 21:00, në një ambient të përshtatshëm për të gjitha moshat – me hapësira për biseda të lira, lojëra për fëmijë dhe atmosferë miqësore për çmallje mes bashkëfshatarëve.

Ftohen të marrin pjesë të gjithë ata që kanë prejardhje nga fshati Koritë – burra, gra, të rinj e fëmijë – pa dallim.

Sipas mundësive, çdo pjesëmarrës është i mirëpritur të sjellë ushqim, ëmbëlsira apo diçka simbolike për të ndarë me të tjerët.

Shoqata do të kujdeset për ushqimin bazë – do të përgatiten qebapë dhe ushqime të tjera për të gjithë.

Për shkak të organizimit dhe përgatitjes së ushqimit, ju lusim që pjesëmarrjen tuaj ta konfirmoni, në mënyrë që të planifikohet gjithçka në mënyrë të rregullt dhe të mjaftueshme për të gjithë.

Ky takim ka për qëllim të na bashkojë dhe të na japë mundësinë të çmallemi me njëri-tjetrin këtu në mërgim, duke ruajtur lidhjen tonë të fortë me rrënjët dhe origjinën tonë nga Korita.

Takimi do të mbahet në:

Jägerweg 19-27,

3097 Liebefeld (Bern)

Për informata dhe konfirmin të pjesmarrjes mund të kontaktini kryesinë e shoqatës „KORITA THËRRET“

Mirë se vini të gjithë!

Me respekt,

Shoqata “Korita Thërret”

Shoqata KORITA THËRRET njofton të gjithë bashkëfshatarët nga fshati Koritë, me banim në Zvicër, Gjermani dhe vende të tjera të diasporës, se më 31 maj 2025 (e shtunë) do të organizohet një Takim Familjar në Zvicër.

Sipas të dhënave të vitit të kaluar, vetëm në Zvicër jetojnë mbi 900 banorë nga fshati Koritë, ndërsa në Gjermani vlerësohet të jetë mbi dyfishi, si dhe një pjesë e konsiderueshme ndodhet në Itali, Austri, Belgjikë e vende të tjera.

Për këtë arsye, Shoqata Korita Thërret e ka parë të domosdoshme organizimin e këtij takimi, si një mundësi për bashkim, çmallje dhe forcim të lidhjeve familjare ndërmjet bashkëfshatarëve tanë, të shpërndarë nëpër botë.

Programi i ditës do të bëhet i ditur së shpejti.

Me respekt,

Shoqata “Korita Thërret”