Gostivar/Bern, me 12 Prill 2021

Fillimin e muajit të Shenjtë të Ramazanit, të 2021-ësh, Shoqata Korita Thërret e ka nisur me shpërndarjen e 30-të pakove të para humanitare, për familjet gostivarase.

Ky Aksion, tashmë me traditë nga Korita Thërret dhe me përkrahje në rritje nga donatorët dhe zemërgjerët, po përkrahet shumë, kryesisht nga mërgimtarët nga Korita që jetojnë në Zvicër dhe Gjermani, por edhe nga bamirës të vendbanimeve tjera.

Përveç 30-të pakove të para me gjërat elementare për ushqim dhe higjienë, gjatë gjithë muajit të Ramazanit do të shpërndahen edhe pako tjera, aty dhe te ata familja që kanë nevojë, që sidomos këtë muaj ta kalojnë me sofrat plotë, si çdo familje tjetër.

Thirrja publike për grumbullimin e mjeteve financiare u bë me datë 2 Prill 2021 dhe të interesuarit kishin mundësi, që mjetet e tyre t’i dhurojnë deri me datë 10 Prill 2021.

Kryesia e Shoqatës Korita Thërret, FALËNDERON të gjithë bamirësit dhe vëllezërit zemërgjerë, që kontribuuan në pasurimin e sofrave të familjeve tona në Vendlindje.

Gjithashtu, të gjithë besimtarëve musliman, UA UROJMË fillimin e muajit të Ramazanit, duke i dëshiruar agjërim të lehtë.

Me respekt,
Kryesia e Shoqatës Korita Thërret