Thirrje për të gjithë bashkëfshatarët e fshatit Korite!
Me iniciative të disa banorëve të fshatit Koritë dhe shoqatës “Korita Thërret” njoftojmë se nesër, më datë 02.08.2024, mbas namazit të Xhumasë do të mbahet një mbledhje e rëndësishme për zgjedhjen e bashkësisë lokale të fshatit Koritë. Ftojmë të gjithë banorët e fshatit Korite të marrin pjesë dhe të kontribuojnë në këtë mbledhje të rëndësishëm.
Të drejtën e kandidimit e kanë të gjithë banorët me prejardhje nga fshati Koritë.
Mbledhja do të zhvillohet në ambientet e shkollës së fshatit. Pjesëmarrja juaj është e një rëndësie të veçantë për të ardhmen e fshatit tonë.
Megjithëse pak me vonesë, ju lutem ta shpërndani këtë Ftesë.
Të nderuar bashkëfshatarë dhe anëtarë të Shoqatës “Korita thërret”
Me kënaqësi ju njoftojmë se Kryesia e Shoqatës “Korita thërret” ka planifikuar mledhje të rëndësishme me bashkëfshatarë me datën 02.03.2024 ora 18:00.
I ftojmë tëgjithë Koritasit që të marrin pjesë në këtë takim të rëndësishëm për komunitetin tonë të Koritës.
Në këtë mledhje do të trajtohen tema të rëndësishme për zhvillimin dhe përparimin e fshatit tonë, duke përfshirë:
1. Vlerësimin e situatës financiare për vitin 2023.
2. Analizën e projekteve të realizuara gjatë vitit 2023.
3. Gjendjen e tanishme financiare.
4. Projekte të propozuara për vitin 2024.
5. Çështje të tjera që kanë të bëjnë me përparimin dhe mirëqenien e përbashkët të komunitetit tonë.
Pjesëmarrja juaj është e shumëpritur dhe e rëndësishme për të bërë këtë mledhje të suksesshme. Ju falënderojmë për angazhimin dhe kontributin tuaj në zhvillimin e komunitetit tonë.
Mledhja do të mbahet në Freiburgstrasse 524, 3172 Niederwangen bei Bern
Me kënaqësi ju njoftojmë se në mbledhjen e degës së shoqatës “Korita Thërret” në Hamburg, Gjermani, më datën 28.01.2024, u zgjodh kryesia e re e degës në Hamburg. Gjithashtu, dëshirojmë t’ju informojmë se anëtarësia e kryesisë në Gostivar ka pranuar anëtarë plotësues.
Shoqata Korita Thërret me seli në Bern të Zvicrës, me 15.10.2023 e mbajti mbledhjen e radhës. Kryetari i deritanishëm i Shoqatës, Nazif Nuhiu foli për pikën e parë të rendit të ditës, për gjendjen e shoqatës dhe për disa nga punët e kryera nga kjo kryesi.
Ndërkaq, për gjendjen financiare të shoqatë Korita Thërret, foli arkëtari, Rashit Emini. Anëtari i kryesisë, Agim Demiri foli edhe për menaxhimin e klubit të shoqatës Korita Thërret. Më pas nga koritasit e pranishëm, vazhdoi diskutimi për zgjedhjen e kryesisë së re, pasi largimit të kryesisë së vjetër.
Më pas nga koritasit e pranishëm, vazhdoi diskutimi për zgjedhjen e kryesisë së re, pasi largimit të kryesisë së vjetër, si dhe për rolin e kësaj shoqate që vitin e ardhshëm i mbush 10-të vjet nga themelimi.
Pas shumë diskutimesh, për Kryesi të Shoqatës Korita Thërret në mbledhjen e mbajtur te 15.10.2023, u zgjodhën shtatë anëtarët e kryesisë: Xhemail Ismani, Shpend Sallai, Myrtezan Arifi, Havzi Selimi, Fekret Muharemi, Habi Jusufi dhe Agim Demiri.
Manifestimi Korita Feston 2022, do të mbahet me 23 Korrik
Kryesia e Shoqatës Korita Thërret në Zvicër, në mbledhjen e fundit, ka Vendosur që pas dy viteve pushim, për shkak të pandemisë me virusin Korona, ta organizoje sërish manifestimin tradicional, Korita Feston.
Manifestimi i sivjetmë do të mbahet mesditën e ditës së Shtunë, me 23 Korrik, te stadiumi i fshatit.
Këngët me çifteli dhe vallet me surle e tupanë do ta madhështojnë manifestimin e vetëm të koritasve, të cilët në një ditë të vetëm, kthehen në vendin e të parëve të tyre, për të festuar e takuar, për t’u njohur e çmallur midis veti.
Gjithashtu, është paraparë që për të pranishmit, të përgatitet edhe ushqim.
Që tani, Kryesia e Shoqatës Korita Thërret, i FTON koritasit, të marrin pjesë në festën e fshatit, festën e Koritës sonë.
Ju ftojmë të merrni pjesë në mbledhjen e përgjithshme të Shoqatës Korita Thërret, që do të mbahet me datë 26 mars, me fillim në ora 19:00, në klubin e shoqatës në Bern.
Në mbledhjen e fundit të kryesisë së ngushtë, për takimin e 26 marsit, është vendosur që ky të jetë rendi i ditës:
1. Raportim për gjendjen e shoqatës, për aktivitetet dhe punët që janë realizuar deri më tani,
