Archive

Home / Category : Ftesa

Exemple

Ftesë për Mbledhje me banorët, do të zgjidhet kryesia e bashkësisë lokale të fshatit Koritë

August 1, 2024 admin Aktivitete, Ftesa, Mbledhje, Njoftime

Thirrje për të gjithë bashkëfshatarët e fshatit Korite!

Me iniciative të disa banorëve të fshatit Koritë dhe shoqatës “Korita Thërret” njoftojmë se nesër, më datë 02.08.2024, mbas namazit të Xhumasë do të mbahet një mbledhje e rëndësishme për zgjedhjen e bashkësisë lokale të fshatit Koritë. Ftojmë të gjithë banorët e fshatit Korite të marrin pjesë dhe të kontribuojnë në këtë mbledhje të rëndësishëm.

Të drejtën e kandidimit e kanë të gjithë banorët me prejardhje nga fshati Koritë.

Mbledhja do të zhvillohet në ambientet e shkollës së fshatit. Pjesëmarrja juaj është e një rëndësie të veçantë për të ardhmen e fshatit tonë.

Megjithëse pak me vonesë, ju lutem ta shpërndani këtë Ftesë.

Mirë se vini!

Read More →
Exemple

Me 28 Korrik do të mbahet Manifestimi “Korita Feston” – 2024

July 15, 2024 admin Aktivitete, Ftesa, Manifestime

Manifestimi “Korita Feston” – 2024

Të nderuar koritas,

Po afron DITA e ribashkimit dhe takimit vjetor, dita e Manifestimit “Korita Feston 2024”.

DITA festive e Korites, është DITA e njohjes dhe ritakimit me Koritën dhe koritasit, është DITA për tu çmall në vendin tonë të lindjes, është DITA për të kaluar rrugëve që kaluam Ne dhe të parët tanë.

Sivjet kemi takimin jubilar të dhjetë me rradhë që organizohet nën kujdesin e shoqatës Korita Thëret dhe të vetë Koritasve që do të mbahet me 28 Korrik 2024 me fillim në ora 11, te stadiumi i fshatit.

Në takime të tilla ku marrin pjesë rreth 500 Koritas nuk do të mungojnë këngët me çifteli, vallet me surle e tupanë, shfaqja e vlerave kombëtare të zonës së Malit të thatë e në veçanti ekspozimi i veshjeve kombëtare nga vajzat e Koritës. Por më e rëndësishme nga të gjitha është njoftimi, bashkëbisedimi dhe çmallja me njëri tjetrin. Në fund gjithë të pranishmit do të kenë mundësi të shijojnë ushqimin tradicional.

Riktheni KUJTIME nga e kaluara, kaloni çaste mbreslenëse dhe ndërtoni një të ardhme më të mirë për ju dhe familjet e juaja!

Mir’ se t’vini!

Read More →
Exemple

Ftesë për pjesëmarrje në aksionin humanitar gjatë muajit të Ramazanit 2020

April 15, 2020 admin Aktivitete, Ftesa

Bern, me 15 Prill 2020

Të nderuar anëtarë të Shoqatës Korita Thërret,

Ju informojmë se, edhe këtë vit do të realizohet aksioni për shpërndarjen e pakove humanitare, në vendlindja.

Ky Aksion realizohet në fillim të muajit të Shenjtë të Ramazanit.

Prandaj, ftojmë të gjithë të interesuarit, njerëzit human, donatorët e ndryshëm, që ti bashkëngjiten këtij aksioni, tanimë tradicional.

Aksioni për grumbullimin e mjeteve financiare do të zgjas deri të hënën, me 20 Prill 2020, ku më pas do të bëhet përgatitja dhe shpërndarja e pakove humanitare.

Për çfarëdo informacioni në lidhje me aksionin, mund ta kontaktoni anëtarin e kryesisë, Agim Demirin, në numrin e telefonit: +41 76 778 15 34.

Ju falënderojmë për ndihmën dhe kontributin që do ta jepni për këtë aktivitet humanitar.

Me respekt,

Kryesia e Shoqatës Korita Thërret

Read More →
Exemple

Aksion humanitar për mbledhjen e mjeteve financiare për të prekurit nga tërmeti në Shqipëri

December 2, 2019 admin Aktivitete, Ftesa

Njoftim

Njoftohen të gjithë banorët me prejardhje nga fshati Koritë, me banim në Hamburg të Gjermanisë, se Shoqata Korita Thërret ka ndërmarrë një Aksion për grumbullimin e mjeteve në të holla, për të ndihmuar sadopak të prekurit nga tërmeti në Shqipëri.

Aksioni është vullnetarë dhe vlera e kontributit është sipas mundësisë.

Aksioni fillon nga data 2 Dhjetor 2019 dhe mbaron me datë 15-të Dhjetor 2019.

Për informacione të hollësishme ose për dorëzimin e mjeteve, mund ta bëni te kryesia e Shoqatës Korita Thërret.

Halil Selimi: Tel. 0176 23657162

Shehip Memedi: 0173 2163439

Hajredin Dalipi: 0163 7850299

Bajram Memedi: 0179 9445344

Daut Ziberi: 0179 7822886

Isa Selami: 0172 4016867

Me respektin më të madh

Shoqata Korita Thërret

Dega HamburgHamburg,

Me 2 Dhjetor 2019

Read More →
Exemple

Ftesë për pjesëmarrje në Mbledhje me datë 26.10.2019

September 23, 2019 admin Ftesa

Ftesë për pjesëmarrje në Mbledhje

Të nderuar banorë të fshatit Koritë që jetoni në Zvicër,

Ju ftojmë të merrni pjesë në Mbledhjen e përbashkët vjetore me kryesinë e Shoqatës Korita Thërret, ku do të bashkëbisedohet për punët dhe projektet e kryera gjatë vitit 2019-të, do të raportohet për gjendjen e shoqatës, do të bashkëbisedohet dhe vendoset për punët që do ti kryejmë gjatë vitit të ardhshëm.

Për propozimet dhe mendimet e sicilit do të diskutohet në Mbledhje dhe do të vendosen me shumicë e votës së të pranishmëve.

Gjithashtu, si pikë e rendit të ditës do të jenë edhe ndryshimet në Kryesi.

Të mirëseardhur janë personat që kanë vullnet, dëshirë dhe gatishmëri që me idetë dhe risitë e tyre, të kontribuojnë në zhvillimin e Shoqatës Korita Thërret.

Mbledhja do të mbahet të shtunën me 26 Tetor 2019 nga ora 20:00, në lokalin në adresën Freiburgstrasse 524, 3172 në Bern.

Me respekt,Kryesia e Shoqatës Korita Thërret në Zvicër

Read More →
Exemple

Ftesë, Manifestimi Tradicional KORITA FESTON

July 8, 2018 admin Ftesa

 

Ftojmë banorët e Koritës dhe të gjithë ata banorë që janë me rrënjë dhe prejardhje nga ky fshat, kudo që janë, të marrin pjesë në Manifestimin Tradiocional KORITA FESTON 2018.

Manifestimi i 5-të me radhë do të mbahet me 29 Korrik, në Koritë, në organizim të Shoqatës Korita Thërret.

Read More →
Exemple

FTESË

January 14, 2018 admin Ftesa

FTESË

Ftojmë të gjithë banorët me prejardhje nga fshati Koritë i Komunës së Gostivarit, që jetojnë dhe veprojnë në Zvicër të marrin pjesë në Mbledhjen e parë të Përgjithshme të Shoqatës Korita Thërret Zvicër, në vitin 2018.

Bashkërisht do të vendosim për punët që na presin dhe për Aktivitetet që do ti realizojmë në Vendlindje gjatë këtij viti.

Mbledhja do të mbahet me 3 Shkurt 2018, me fillim më ora 20:00 në Bern.

Adresa: Freiburgstrasse 524, Niederwangen Bern.

Me respekt

Kryesia e Shoqatës Korita Thërrer, Zvicër

Bern, me 13 Janar 2018

Read More →
Exemple

Ftesë për përkrahje

December 20, 2017 admin Ftesa

Të nderuar bashkëfshatar dhe Ju banorë me prejardhje nga fshati Koritë,

Në fillim të muajit Dhjetor, e që përkon edhe fundi i vitit, Ne kryesia e re e Shoqatës Korita Thërret u ngarkuam me Obligim që ta udhëheqim shoqatën në periudhën në vazhdim.

Kur pranuam detyrat tona, menduam dhe mendojmë që bashkërisht ku jemi e gjindemi, të unifikohemi dhe në të mirë të vendilindjes tonë të kontribuojmë.

Ne e njohim kapacitetin tonë që e kemi si Fshat dhe banorër e saj.

Shoqata ka nevojë për gjithësecilin!

Ne si Kryesi kemi nevojë për Ju që dëshiron ta bashkojmë forcën dhe dijen dhe ta ngrejmë Shoqatën ashtu siç duam.

Ju ftojmë të gjithëve të Antarësoheni në Shoqatë, ta kryeni obligimin/pagesën vjetore që më pas bashkërisht të Vendosim, në Vendlindje dhe Diasporë së çfarë është më rëndësi të realizojmë dhe bëjmë për Koritën tonë.

Pas Zvicrës, Gjermania, Italia dhe Austria janë vendodhje të bashkëfshatarëve tanë në Diasporë në numër të konsiderueshëm. Prandaj, Ju ftojmë të na bashkëngjiteni masovikisht që ta forcojmë Shoqatën Korita Thërret.

Për çdo informacion dhe pëkrahje shtesë, Ju lutemi na Kontaktoni në faqen Zyrtare të Shoqatës Korita Thërret në Facebook.

Me respekt,
Kryesia e Shoqatës Korita Thërret

Bern, me 18 Dhjetor 2017

Read More →
Exemple

Ftesë MBLEDHJE VJETORE

November 1, 2017 admin Ftesa

Ftesë

MBLEDHJE VJETORE

Ftohen banorët me origjinë nga fshati Koritë që jetojnë në Zvicër, të marrin pjesë në Mbledhjen Vjetore të Shoqatës Korita Thërret.

Mbledhja do të mbahet me 2 Dhjetor 2017, me fillim në ora 20:00, në Freiburgstrasse 524, në 3172 Niederwagen BE.

Do të diskutohet dhe raportohet për:

1. Punët dhe Aktivitet e kryera gjatë vitit 2017
2. Plani dhe Puna për vitin e ardhshëm 2018
3. dhe të ndryshme

Me respekt,

Kryesia e Shoqatës
KORITA THËRRET
Bernë/Zvicër

Nëntor 2017

Read More →

Faqja zyrtare e Shoqatës Korita Thërret