Të Shtunën me 2 Dhjetor 2017, në Bernë u Mbajt, Mbledhja Vjetore e Shoqatës KORITA THËRRET.
Në Mbledhje morën pjesë dhjetëra bashkëfshatarë nga Korita që jetojnë në Zvicër, njëherit edhe anëtarë të shoqatës.
Mbledhjen e udhëhoqi dhe e drejtoi kryetari i deritanishëm i shoqatës, z. Emin Emini.
Në Mbledhje u bisedua dhe u diskutua për 3 Pika të Rendit të Ditës:
- Raportim dhe Diskutim për Punën dhe Aktivitetet e realizuara gjatë vitit 2017.
- Aktivitetet dhe Punët e parapara për vitin 2018.
- Të ndryshme.
Për sa i takon pikës së parë, kryetari Emin Emini raportoi për aktivitetet që janë realizuar gjatë vitit 2017. Në veçanti u ndalë për organizimin e Manifestimit Korita Feston 2017, duke e vlerësuar si një Manifestim të mirë që kontribuon në ruajtjen e traditave të fshatit Koritë por edhe afrimin dhe njohjen e banorëve me Origjinë nga Korita.
Arkëtari i Shoqatës, Reshit Emini raportoi për gjendjen financiare të shoqatës, për numrin e anëtarëve por edhe për harxhimet për sa i takon Manifestimit të sivjetmë. Gjendja financiare e shoqatës është mirë, mirëpo nevojitet dhe është e mirëseardhur përkrahja nga të gjithë banorët e Koritës kudo që janë.
Në vazhdim të mbledhjes, u hap diskutim edhe për sa i takon punës së Kryesisë së deritanishme të shoqatës. Gjatë diskutimit njëzëri nga kryesia aktuale, anëtarët e shoqatës u kërkua që të bëhen Ndryshime dhe të formohet Kryesi e Re.
Për Kryesi të re të Shoqatës Korita Thërret, Njëzërit u Zgjodhën:
- Nazyf Nuhiu
- Reshit Emini
- Zelal Selimi
- Alivebi Kodra
- Demir Nuredini
- Kasam Selimi
- Nexhbedin Izeiri
Kryetari i deritanishëm Emin Emini, falënderoi dhe uroi për punë të mbarë dhe suksese Kryesinë e re dhe kryetarin Nazyf Nuhiu.
Rreth pikës së dytë të Rendit të Ditës, sugjerimi i të gjithë të pranishmëve ishte se duhet vazhduar me Organizimin e Manifestimeve Korita Feston.
Udhëzimi dhe rekomandimi i anëtarëve të Shoqatës dhe themeluesve ishte se Shoqata duhet veproj dhe punoj sipas Idesë dhe Qëllimit për Themelim. Gjithmonë duhet bërë punë dhe projekte në dobi të Shoqërisë dhe fshatit Koritë.
Bernë, me 2 Dhjetor 2017
Me respekt,
Kryesia e Shoqatës Korita Thërret
