Bern, me 12 Mars 2019
Mbledhja e parë e vitit 2019-të, e kryesisë së Shoqatës Korita Thërret në Zvicër, ishte e frytshme dhe u sollën vendime mjaftë të dobishme, sidomos për fshatin tonë, Koritën.
Përveç manifestimit Tradicional “Korita Feston”, që për herë të pestë do të mbahet këtë vit, gjithashtu u propozuan dhe u miratuan edhe 8-të projekte të tjera, kryesisht infrastrukturore që do të realizohen gjatë këtij viti.
Në gati gjysmën e projekteve janë paraqitur dhe ka edhe donatorë.
Do të bëhen këto punë:
- Vendosja e ngrohjes në bodrumin xhamisë së fshatit, në të gjitha hapësirat (mjetet janë siguruar)
- Lyerja e objektit të xhamisë, brenda dhe jashtë, si dhe ndriçimi i Minares (mjetet janë siguruar)
- Ndërtimi i skenës, me qëllim që të shërbej për manifestimin tradicional, por edhe për aktivitete tjera (Një pjesë e mjeteve janë siguruar)
- Lyerja dhe shtrimi i dyshemesë me shtresë betoni/Ybercug, si dhe sanimi rrymës te ambulanata e fshatit. Ky Kat do t’i shërbeje Shoqatës. (Edhe për këtë projekt, pjesërisht kemi gjetur mbështetje).
- Rregullimi i nevojtoreve/toaletëve te objekti i ri. (Investimi do të kryhet me mjete të shoqatës, ose në rast që ka të interesuar ndonjë mbështetës apo donator, është i mirëseardhur)
- Vendosja e ndriçimit në brendi të varrezave të fshatit. (Për këtë projekt ka donator të mundshëm, ka ngelur vetëm edhe njëherë të rikonfirmohet nëse do të kryet nga ai ose nga vet shoqata)
- Meremetimi i objektit të shkollës. Pasi që objekti është dëmtuar jashtëzakonisht, do të intervenohet në pjesët ku është më se e domosdoshme. (Për këtë projekt do të kërkohet edhe mbështetje institucionale edhe pse shoqata është gatshme të intervenoje sipas mundësive. Edhe te ky projekt, është i mirëseardhur kontributi i çdonjërit)
- Shpërndarja e pakove humanitare gjatë muajit të Ramazanit. (Me mjete nga vet shoqata)
Nisja e punëve për realizimin e projekteve do të bëhet sapo të rregullohen kushtet klimatike në fshat.
Manifestimi KORITA FESTON 2019, është vendosur të mbahet me 28 Korrik 2019, ditën e Diel.
Në mbledhjen e kryesisë së shoqatës të mbajtur me 2 Mars 2019, në Basel të Zvicrës, u theksua se shoqata Korita Thërret ka shënuar një zhvillim të madh, në të gjitha aspektet.
SHOQATA KORITA THËRRET
