Paguani anëtarësinë dhe jepni sugjerime, ide për projektet e vitit 2026
Të dashur Koritas kudo që ndodheni,
Korita nuk është vetëm fshat. Korita është rrënja jonë. Është kujtimi i tokës ku kemi hedhur hapat e parë, është zëri i gjyshërve tanë, është emri që na bën të kthejmë kokën sa herë e dëgjojmë, pavarësisht sa larg jemi shpërndarë nëpër botë.
Sot, shoqata jonë “Korita Therret” është ura që na lidh me këtë identitet. Falë pranisë tuaj dhe ndihmës tuaj gjatë këtij viti, kemi arritur ta bëjmë të dukshme dhe të prekshme dashurinë tonë për fshatin.
Ky vit ishte dëshmi se çfarë arrijmë kur bashkohemi:
1. U ndërtua terraca tek ambulanca e fshatit
2. U vendosën shkronjat KORITA
3. U vendos me krenari Shqiponja mbi fshat
Të gjitha këto u realizuan falë anëtarësive dhe donacioneve tuaja.
Tani hyjmë në një etapë të re. Duam ta forcojmë edhe më shumë shoqatën, që ta mbajmë gjallë Koritën: kulturën, vlerat, emrin, të ardhmen.
Prandaj ju ftojmë që edhe këtë vit të bashkoheni me ne dhe të paguani anëtarësinë tuaj vullnetare. Sado pak të jetë, ajo është energji, është një gur i radhës që ndërton diçka të përbashkët.
Nuk është thjesht pagesë.
Është amanet.
Është nder.
Është dashuri për vendlindjen.
Ju falënderojmë për besimin dhe zemërgjerësinë që keni treguar.
Korita po flet.
Le ta dëgjojmë zërin e saj.
Dhe të vazhdojmë së bashku punën për të ardhmen.
Gjithashtu, ju ftojmë për të dhënë sugjerime, ide për projektet e vitit 2026, ose kritika rreth projekteve të realizuara deri tani, mund të na i dërgojnë këtu:
Me respekt dhe mirënjohje,
Shoqata “Korita Thërret”